Бага насны хүүхдүүдийн дунд менингококкт халдвар бүртгэгдэж байгаа талаар гэж ЭМЯ болон ХӨСҮТ-өөс анхааруулсан. Ингэхдээ тус халдвараар ихэвчлэн 5-аас доош насны хүүхдүүд өвдөж байгаа ба ерөнхий хордлогын шинжээр илэрч, арьсан дээр өвөрмөц тууралт гардаг нянгийн гаралтай амьсгалын замын хурц халдварт өвчин юм. Өнөөдөр /2022.03.11/ ХӨСҮТ-өөс цаг үеийн асуудлаар мэдээлэл хийх үеэр менингококкт халдварын талаар мэдээлэл өглөө.

ХӨСҮТ-ийн томуугийн тасгийн тархвар судлаач эмч Ч.Уртнасан "Менингококкт халдварын хоёр тохиолдол бүртгэгдээд байна. Нас баралтын түвшин 50 хувьтай. Насны хувьд 4 хүртэлх насны хүүхдүүдийн хувьд бүртгэгдсэн. Менингококкт халдвар нэгдүгээр сараас эхлэн тавдугаар сарыг дуустал үргэлжилэх буурах зүй тогтолтой. Оргил үе нь 3 болон 4 дүгээр сарууд байдаг" гэлээ.