Засгийн газрын ээлжит хуралдаан үргэлжилж байна. Хуралдаанаас гаргасан шийдвэрийг танилцуулах үеэр Соёлын сайд Ч.Номин "Олон төрлийн кино уран бүтээлийг Монгол Улсад бүтээх боломжуудыг бий болгосон гэдгээ таниулахын тулд олон улсын томоохон хэмжээний хэвлэл мэдээллийн байгууллагуудтай хамтарч ажиллана. Үүнээс гадна томоохон продьюсерүүдийг Монголд авч ирж кино хийх боломжийг танилцуулна. Өнөөдрийн байдлаар Холливудын дөрвөн кино продакшнтай хамтарч ажиллах суурь нь тавигдсан. Эхний киноны зураг авалт зургадугаар сард хийгдэхээр төлөвлөгдсөн. Энэ нь кино урлагийг дэмжих тухай хууль батлагдсантай холбоотой. Үүнээс гадна Монгол улсыг дэлхийд эерэгээр сурталчилан таниулж буй олон улсын бүхий л төрлийн контентод дэмжлэг үзүүлнэ" гэлээ.