"Тавантолгой түлш" ХХК-ийн ажилчид ажил хаяад буй. Учир нь цалинг нь үндэслэлгүйгээр бууруулсан, хортой нөхцөлд ажилладаг ч нэмэгдэл өгдөггүй зэрэг асуудлаар ажил хаяад байгаа юм. Тэд ажил хаяснаар хүйтний улирал ирж буй энэ цагт түлш тасалдах эрсдэл үүсээд байгаа юм. Үүнтэй холбогдуулан тус компанийн ажилчид болон МЭХГУУА-ны ҮЭ-ийн холбооноос хэвлэлийн бага хурал зарлажээ. Хурал өнөөдөр 11.00 цагт болох юм.

Мөн тэд "Тавантолгой түлш" ХХК-ийн гүйцэтгэх захирал М.Ганбаатарыг огцруулах шаардлагыг Эрчим хүчний яаманд хүргүүлэхээр болжээ.