Дэлхий долоон тэрбум гаруй хүмүүсээс шалгарсан жаран дөрвөн шилдэг сагсчид 3х3 сагсан бөмбөгийн төрөлд өрсөлдсөн. Үүний гучин хоёр нь эмэгтэй сагсчид байгаа бөгөөд дөрөв нь Монголынх.
Олон мянган авьяастнууд дундаас авьяас чадвараараа ялгарч энэ агуу талбайд гарч буй тамирчдаараа Монголын ард түмэн маш их бахархсан билээ. Дэлхийн нийт Монголын олимпт зүгээр ч оролцсонгүй тун амжилттай оролцож байна гэж онцолж, бас гайхширсаар байна. Дэлхийн олон улсын дундаас шилдэг найман багт шалгарч Монгол Улсын нэрийг багийн спортоор дэлхийд сонсгоно гэдэг хэлж боломгүй их амжилт билээ.

Мөн олимпийн наадмыг зохион байгуулж буй Япончуудын зүгээс Монголын багийн сүүлийн тоглолтын дараа Багийн спортоор анх удаа оролцсон Монголын багт баяр хүргэж хүндэтгэл үзүүлж байсан юм.

Ингээд Монгол Улсын 3x3-ын эмэгтэй төрөлд оролцсон тамирчдын сэтгэл хөдөлгөж, үзэгч түмнээ өндөлзүүлсэн торгон агшнуудын фото зургийг хүлээн авч үзнэ үү.