Сагсан бөмбөгийн 3х3 төрлийн Ази тивийн аварга шалгаруулах тэмцээн ирэх сарын 1-5-ны өдөр Сингапур улсад зохион байгуулагдана. Энэхүү тэмцээнд Монгол Улсыг төлөөлөн оролцох эмэгтэй шигшээ багийн өргөтгөсөн бүрэлдэхүүнийг танилцууллаа. Эмэгтэй шигшээ багийн бүрэлдэхүүнд О.Хулан, Б.Ариунцэцэг, Н.Нандинхүсэл тэргүүтэй 11 тоглогч багтжээ.

Эмэгтэй шигшээ багийн хувьд Азийн чансааны хоёрдугаарт бичигдэж байгаа. Монголын шигшээ баг тэмцээний "B" хэсгийг тэргүүлж ШинэЗеланд болон урьдчилсан хэсгээс шалгарсан багуудтай нэг хэсэгт багтжээ.

Эмэгтэй шигшээ баг 2024 оны Азийн аваргаас хүрэл, 2025 оны Дэлхийн аварга шалгаруулах тэмцээнээс мөнгөн медаль хүртсэн.