Монгол Улсын хөдөлмөрийн баатар, гавьяат тамирчин, олимпийн аварга Н.Түвшинбаяр дөрөвдүгээр сарын 2-ны өдөр Улсын начин Э.Энхбатын биед халдаж, хүнд гэмтэл учруулсан нь тогтоогдож дөрөвдүгээр сарын 4-ний өдөр 461-р хорих анги руу ачигдан саатуулагдсан. Мөн дөрөвдүгээр сарын 15-нд тэрбээр коронавирусний халдвар авсан нь батлагдаж 461 дүгээр хаалттай ангийн эмнэлэгт хэвтэн эмчлүүлж байгаа талаар мэдээлсэн. 

Эх сурвалжийн мэдээлснээр Н.Түвшинбаярыг үргэлжлүүлэн хорих эсэхийг хэлэлцэж байгаа аж. Энэ талаар гарсан шийдвэрийг бид шуурхай хүргэх болно.