Эрүүл мэндийн яамнаас коронавируст халдварын нөхцөл байдлын талаар мэдээлэл өгч байна. ХӨСҮТ-ийн албаны дарга Ж.Байгалмаа:

Өнгөрсөн 24 цагийн хугацаанд шинээр 33 тохиолдол бүртгэгдлээ. Ингэснээр улсын хэмжээнд бүртгэгдсэн коронавируст халдварын тохиолдол 2,207 боллоо.

Мөн хугацаанд 34 хүн эдгэрч эмнэлгээс гарснаар нийт эдгэрсэн хүний тоо нийт тохиолдлын 73.3 хувь буюу 1,618-д хүрэв. Өнөөдрийн байдлаар УНТЭ, ХӨСҮТ, Цэргийн төв эмнэлэг, Хан-Уул дүүргийн 300 ортой эмнэлэгт нийтдээ 568 батлагдсан тохиолдол эмчилгээнд байна.