УИХ-ын гишүүн П.Сайнзориг, Тагнуулын ерөнхий газрын дарга асан Б.Хурцын хүү Х.Тайван нар өнгөрөгч хоёрдугаар сарын 5-ны өдөр нэгнийхээ эрүүл мэндэд хохирол учруулсан гэх хэрэг гарсан байдаг. Тухайн хэргийг цагдаагийн байгууллагаас бүртгэлд авч, мөрдөн шалгах ажиллагааг явуулж байсан.
Цагдаагийн байгууллагаас тус хэргийг шалгаж дуусган хэргийг шүүхэд шилжүүлэх саналтайгаар прокурорт шилжүүлжээ.
Тэднийг Эрүүгийн хуулийн 11.6 дугаар зүйл буюу хүний эрүүл мэндэд хөнгөн хохирол санаатай учруулах гэмт хэрэгт яллагдагчаар татан, мөрдөн шалгаж прокурорт шилжүүлсэн байна.
