Сангийн яамны Төрийн нарийн бичгийн даргаар Б.Анарыг томилсон байна. Тодруулбал, түүний өмнө Сангийн яамны Төрийн нарийн бичгийн даргаар ажиллаж байсан М.Баярмагнайг Зам, тээврийн яамны Төрийн нарийн бичгийн даргаар шилжүүлэн томилсон байдаг.

Б.Анар өмнө нь Н.Учралыг УИХ-ын даргаар ажиллаж байхад нь Эдийн засаг, төсвийн бодлого хариуцсан зөвлөхөөр нь ажиллаж байсан бөгөөд Ерөнхий сайдын зөвлөхөөр нь ч үргэлжлүүлэн ажиллаж байсан юм. Өөрөөр хэлбэл, Ерөнхий сайд Н.Учралын хүн аж.

Түүний товч намтраас танилцуулбал:

Төгссөн сургууль:

2004-2008 онд Монгол Улсын Их Сургуулийг Бизнесийн удирдлагаар;

2015-2017 онд АНУ-ын Жиоржиа мужийн их сургуулийг Төрийн санхүүгийн удирдлагын магистраар тус тус төгссөн. Одоо МУИС-ийн Хууль зүйн сургуульд Эрх зүйч мэргэжлээр сурч байна.

Ажилласан байдал:

2008-2010 онд Сангийн яамны Засаглалыг дэмжих хөтөлбөрийн Худалдан авах ажиллагааны мэргэжилтэн;

2010-2018 онд Сангийн яамны Төрийн сан, Төсвийн бодлогын газар мэргэжилтэн;

2018-2020 онд Сангийн яамны Санхүүгийн бодлогын газар, Санхүүгийн хөрөнгө удирдлагын хэлтсийн дарга;

2020-2021 онд Монгол Улсын Хөгжлийн банкны Хууль, тусгай активын газрын дарга;

2021-2022 онд Сангийн яамны Хөгжлийн санхүүжилтийн газар, Зээл тусламжийн бодлогын хэлтсийн дарга;

2022-2025 онд Эдийн засаг, хөгжлийн яамны Хөрөнгө оруулалтын бодлогын газрын даргаар тус тус ажилласан туршлагатай.