УИХ-ын гишүүн Г.Тэмүүлэн өнгөрсөн пүрэв гарагт хуралдсан УИХ-ын чуулганы хуралдааны үеэр "Сангийн яам "ХУУЛИЙН ХУЛГАЙ"-д мэргэшиж байна. Төсвийн тодотголыг хулгайн аргаар хийх гэж байна" гэх мэдээллийг өгсөн байдаг.

Тэгвэл үүнийн эсрэг Сангийн яамнаас мэдэгдэл гаргажээ. МЭДЭГДЭЛД:

"Сангийн яамны ажил хэргийн нэр хүндэд халдсан илт худал мэдээлэл хийсэнтэй холбогдуулан дараах мэдэгдлийг гаргаж байна. Сангийн яам нь Төсвийн тухай хуулийн 11.1.4-т заасны дагуу төсөв, санхүүгийн удирдлага, төлөвлөлт, зохицуулалтыг боловсронгуй болгох санал боловсруулан Улсын Их хурлаар шийдвэрлүүлэх, жилийн төсвийн төслийг Засгийн газрын хуралдаанаар хэлэлцүүлэх чиг үүргийг тус тус хэрэгжүүлдэг.

Харин Монгол Улсын Үндсэн хуульд зааснаар төрийн санхүүгийн бодлого, үндсэн чиглэлийг тодорхойлж, төсөв батлах асуудал нь гагцхүү Улсын Их Хурлын онцгой бүрэн эрхэд хамаардаг" гэв.