УИХ-ын дарга асан Д.Амарбаясгаланг Эрүүгийн хуулийн 22.1.2 дахь заалтын дагуу "Улс төрд нөлөө бүхий этгээд эрх мэдэл, албан тушаалын байдлаа урвуулан ашиглах, их хэмжээний хахууль авах", Эрүүгийн хуулийн 22.10.2 дахь хэсэгт заасан "Үндэслэлгүйгээр хөрөнгөжих" гэсэн зүйл ангиар тус тус эрүүгийн хэрэг үүсгэн яллагдагчаар татсан юм.
Уг хэргийн явц хэр байгаа талаар өөрөөс нь тодруулахад "Хуулийн байгууллага ажлаа ном журмаар нь хийж байгаа гэж харж байна. Хуулийн байгууллага зөвхөн гэм бурууг тогтоох биш, гэм буруугүй бол цагаатгахад чиглэж ажилладаг" хэмээн байр сууриа товчхон илэрхийллээ.
