"Алтан цом"-ын гуравдугаар байрын төлөөх барилдаанд Дархан аварга Н.Батсуурь ахлагчтай “Хамаг Монгол” баг, Улсын арслан Б.Орхонбаяр ахлагчтай “АПУ Скайтел” баг өрсөлдсөн юм. Улмаар "Хамаг Монгол" 14:11 харьцаагаар ялсан юм.
Тэгвэл "Алтан цом"-ын төлөөх барилдааны тэргүүн байрын төлөөх барилдаан өнөөдөр 14.30 цагаас Монгол бөхийн өргөөнд болно. Тэргүүн байрын төлөө Улсын арслан Э.Батмагнай ахлагчтай "М-Си-Эс Энержи" болон Улсын заан С.Сүхбат ахлагчтай "Хатант интернэйшнл" багууд хоорондоо өрсөлдөх юм.
Сануулахад, "М-Си-Эс Энержи" баг Н.Батсуурь ахлагчтай "Хамаг Монгол" багийг 15:10-аар ялсан бол "Хатант интернэйшнл" баг "АПУ Скайтел" багийг мөн 15:10-ын харьцаагаар ялснаар тэргүүн байрын төлөө шалгарч үлдсэн юм.
Дашрамд, энэхүү барилдааны шагналын сан 1.5 тэрбум төгрөгт хүрээд буй.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!