ӨМӨЗО-ы Ордос хотод зохиогдож буй 2026 оны Ази тивийн аварга шалгаруулах тэмцээний эмэгтэйчүүдийн +78кг /жин/-д барилдсан үндэсний шигшээ баг, Алдар спорт хорооны тамирчин ОУХМ А.Адъяасүрэн хүрэл медалийн төлөөх барилдаанд отгон дэлхийн аварга Бүгд Найрамдах Солонгос улсын тамирчин Ким Хаюүныг ялсанаар хоёр дахь хүрэл медалиа хүртлээ. А.Адъяасүрэн 2024 онд зохиогдсон тивийн аваргаасаа хүрэл медаль хүртэж байсан аж.