УИХ-ын гишүүн асан Б.Энх-Амгалан, Ерөнхийлөгчийн Тамгын газрын дарга асан З.Энхболд нарт холбогдох хэргийн шүүх хурал 5 өдрийн турш болж, шүүх өнөөдөр шийдвэрээ гаргалаа. Тодруулбал, З.Энхболд, Б.Энх-Амгалан нарт тус бүр хоёр жилийн хорих ял оноож, нийтийн албанд томилогдох эрхийг 5 жил хаслаа. Хорих ялыг нээлттэй хорих ангид эдлүүлнэ.
Дашрамд сануулахад, ердөө дөрөв хоногийн өмнө З.Энхболд нь АН-ын Хяналтын ерөнхий хорооны даргаар сонгогдож, тамгаа хүлээн аваад байсан юм. Тэгвэл З.Энхболд нь Хяналтын ерөнхий хорооны даргаас чөлөөлөгдөөд зогсохгүй, дүрмийн дагуу намын гишүүнчлэлээс хасагдах нөхцөл бүрдээд байна.
АН-ын үндсэн дүрмийн 3.5.4-д "Намын гишүүн Үндсэн дүрмийн 3.9.1.16-аас 3.9.1.21-р заалтуудыг зөрчсөн болон гэмт хэрэг үйлдэж гэм буруутай нь шүүхээр тогтоогдсон тохиолдолд намын гишүүний бүртгэлээс хасах асуудлаар Дотоод хяналтын хорооноос ажлын 5 хоногт багтаан дүгнэлт гарган шийдвэрлэнэ" гэжээ.
АН-ын Үндсэн дүрэмтэй танилцахыг хүсвэл ЭНД дарна уу.
