CS2 цахим спортын "Dracula Season 6" тэмцээнд оролцож байгаа Senzu-гийн нэгдсэн "Passion UA" баг "Eternal Fire"-тай өчигдөр тоглож хожил байгууллаа. Senzu энэ тоглолтод 1.37 рейтингээр багийнхаа тоглогчдыг тэргүүлсэн ба 53-39 статыг үзүүлэв. Харин тэд өнөөдөр "Faze Clan"-тай 18:00 цагаас тоглох хуваарь гарчээ.
Өчигдөр хийсэн тоглолт дээр "Passion UA" эхний зам болох Mirage дээр 13:9 харьцаатайгаар ялагдал хүлээсэн. Харин дараагийн зам Inferno дээр 13:8, гурав дахь зам Anubis дээр 13:9 харьцаатайгаар хожил байгуулсан.
Энэхүү тэмцээнд найман баг урилгаар оролцож байгаа. Харин хэсгийн шатанд 16 баг өрсөлдөж найман баг шигшээ шатанд өрсөлдөх эрхээ авчээ.
