Чингэлтэй дүүргийн ЗДТГ-аас Монтелын гудамжийг нийслэлийн чөлөөт худалдааны гудамж болгон зарлалаа. Тус гудамжид үйл ажиллагаа явуулахаар сонирхож буй иргэн, ААН ямар нэгэн тусгай зөвшөөрөл шаардахгүйгээр тус талбайд худалдаа үйлчилгээ эрхлэх боломжтой.

Ингэхдээ дүүргийн Хүнс, худалдаа үйлчилгээний хэлтэст бүртгүүлэх юм байна. Тус гудамжинд хүнс, түргэн хоол, хувцас, эд хэрэглэл, хуучин бараа зэрэг төрөл бүрийн зүйл худалдаалах боломжтой болжээ.