АНУ-ын Худалдааны яам “хар жагсаалт”-даа Хятадын хагас дамжуулагч үйлдвэрлэгч SMIC компанийг оруулмагц Хонконгийн хөрөнгийн биржид хувьцааных нь ханш 3.32 хувиар уналаа гэж “Global  times” сонин мэдээллээ.

Үүний өмнө АНУ Хятад болон бусад хэд хэдэн улсын 77 байгууллагыг хүний эрх ноцтой зөрчсөн, Өмнөд болон Дорнод Хятадын тэнгист БНХАУ үйл ажиллагаагаа өргөжүүлсэн хэмээн Худалдааны яамны “хар жагсаалт”-даа оруулсан байна.

Энэхүү жагсаалтад орсноор SMIC компани АНУ-ын нийлүүлэгчдийн бүтээгдэхүүнийг худалдан авахдаа Худалдааны яамнаас нь зөвшөөрөл авах ёстой болов.  Тус яамны “хар жагсаалт”-д “Huawei”, ZTE зэрэг Хятадын олон арван компани орсон аж.