Байнгын хорооны хуралдааны үеэр Эрүүл мэндийн сайд Ж.Чинбүрэн УИХ-ын гишүүн Д.Ганмаатай зүй бус харьцаж, "заналхийлсэн" гэх асуудал үүссэн. УИХ-ын гишүүн Д.Ганмаагийн зүгээс тухайн үед цуг байнгын хороонд сууж байсан УИХ-ын гишүүн Г.Лувсанжамц ирж, Ж.Чинбүрэн сайдад зарчмын шаардлага тавьснаар эл үйл явц өндөрлөсөн талаар хэлсэн. Тэгвэл эл асуудалд УИХ-ын гишүүн Г.Лувсанжамц "Гишүүн байна уу, сайд байна уу хамаагүй. Хүнтэй хүн шиг л харьцах ёстой. Ялангуяа эмэгтэй хүнтэй зандарсан өнгө аясаар харьцаж байгаа нь таалагдаагүй. Ёс зүйтэй л байх ёстой" гэв.
