УИХ-ын чуулган өнөөдөр хуралдлаа. Хуралдаанаар Хүнсний тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /Улсын Их Хурлын гишүүн М.Мандхай нарын 10 гишүүн 2025.06.19-ний өдөр өргөн мэдүүлсэн, хэлэлцэх эсэх, асуулт, хариулт 120 минут, үргэлжилнэ/ хэлэлцлээ. Энэ үеэр УИХ дахь АН-ын бүлэг хуралдааныг орхиж гарах талаар АН-ын бүлгийн дарга О.Цогтгэрэл мэдэгдсэн. Энэ талаараа тэрбээр "УИХ-ын дарга Д.Амарбаясгалангийн ёс зүй болон улсын төсөв эзэнгүйдэж буй асуудлаар АН-аас гаргасан улс төрийн шийдвэрийн дагуу АН-ын бүлэг чуулганы хуралдааныг ОРХИН ГАРЧ БАЙНА. Намын Удирдах байгууллагын шийдвэр надад хамаагүй гэж байгаа нь ҮЛД" гэв.