Говь-Алтай аймгийн Засаг даргын Тамгын газрын санаачилгаар залуучуудад зориулсан “Жангар” энтертаймент фестивалийг зохион байгуулдаг. Энэ жил дөрөв дэх удаагаа “Дөргөний эрэг дээрх 247” нэртэйгээр зохион байгуулагдана.
Фестивальд 21 аймаг, хотын залуус оролцоход нээлттэй бөгөөд энэ сарын 24-26-ны хооронд Говь-Алтай аймгийн Хөхморьт сумын Дөргөн нуурын эрэгт болно.
Сануулахад, Монголын 7 дахь том нуур болох Дөргөн нь Ховд аймгийн Чандмань, Говь-Алтай аймгийн Хөхморьт, Завхан аймгийн Дөрвөлжин зэрэг 3 сумын заагт орших баруун Монголын Их нууруудын хотгор дахь давст нуур юм. Улаанбаатар хотоос 1300 км зайтай.
