УИХ-ын чуулганы хуралдаанаар 2025 оны төсвийн хүрээний мэдэгдэл, 2026-2027 оны төсвийн төсөөллийн тухай хуульд өөрчлөлт оруулах тухай хуулийн төслийг хэлэлцэж байна.
Энэ үеэр Үндэсний статистикийн хорооны дарга Б.Батдаваа гишүүдийн асуултад хариулахдаа "Цахилгааны үнэ хэрэглээнээс хамаараад 65-98 хувь хүртэл өссөн. Атар талхны үнэ 4 жилийн өмнө 1200 төгрөг байсан бол одоо 2600 төгрөг болсон. Сүүлийн 1 жилд гурилан бүтээгдэхүүний үнэ тогтвортой байсан" гэх мэдээллийг өглөө.
Харин УИХ-ын дарга Д.Амарбаясгалан "Гурилын татвар тэглэсэнтэй холбоотойгоор гурил, гурилан бүтээгдэхүүний ҮНЭ ӨСӨӨГҮЙ, харин ч буурсан. Одоо татвар тэглэх хууль ХҮЧИНГҮЙ болсон учраас буцаад өсөх л байх даа. Ирэх жил гэхэд шал өөр байдал руу орно" гэлээ.
