Сүүлийн үед насанд хүрээгүй буюу 16-гаас доош насны хүүхдүүдийн цахим хэрэглээнд хязгаарлалт тогтоох асуудал хөндөгдөж эхэлсэн. Учир нь цахим хэрэглээ ихэссэнээр хүүхдүүдийн сэтгэц, эрүүл мэндэд муугаар нөлөөлж буйг эмч, мэргэжилтнүүд анхааруулсаар ирсэн.

Тэгвэл УИХ-ын гишүүн, Цахим хөгжил, инновац, харилцаа холбооны сайдын үүрэг гүйцэтгэгч Ц.Баатархүү 16-гаас доош насны хүүхдийн сошиал хэрэглээг хязгаарлах хуулийн төслийн үзэл баримтлал дээр ажиллаж буй талаараа мэдээллээ. Тэрбээр уг хуулийн төсөлдөө олон нийтийн саналыг авч байгаа аж.