УИХ-ын чуулганаар Амьтны тухай хуульд нэмэлт оруулах тухай хуулийн төслийг хэлэлцэх эсэхийг хэлэлцэж эхэллээ. Уг хуулийн төслийг УИХ-ын гишүүн О.Амгаланбаатар өргөн барьсан юм.

Энэ үеэр УИХ-ын гишүүн А.Ариунзаяа "Хэн их аз, хийморьтой нь чоно алж зураг авхуулаад, машин дээрээ тавьж хот дундуур давхидаг замбараагүй байдал үүсээд байна.

Эрчүүдийн аз, хийморийг чоно агнаж байж сэргээдэг монголчуудын ойлголт байдаг. Иймэрхүү асуудлыг УИХ-аар хэлэлцээд сууж байх нь ичгэвтэр л юм. Гэхдээ зарчмын хувьд хуулийн төслийг дэмжиж байна" гэлээ.