Автобусны жолооч үүргээ гүйцэтгэж явахдаа гэнэт бие нь муудаж, амь насыг нь цаг алдалгүй аварчээ. Түүний биеийн байдал одоо сайжирч байгаа аж. Тодруулбал, энэ сарын 19-ны өдөр 16.20- 17.20 цагийн хооронд Офицеруудын ордны өмнөх буудалд Ч-65 чиглэлийн 19-058 гарааж дугаартай автобусны жолооч ажил үүргээ гүйцэтгэж явах үеэр гэнэт бие нь муудахад шалгагч нар яаралтай арга хэмжээ авч, даралтыг нь буулган , эмч иртэл хөдөлгөөнгүй суулгажээ. Удалгүй түргэн тусламж ирж жолоочийг эмнэлэгт хэвтүүлэн эмчилж байгаа юм байна. Нийтийн тээврийн бодлогын газраас тус газрын Хяналт шалгалтын хэлтсийн шалгагч Б.Булгантамир , Л.Одончимэг нар нь автобусны жолоочид эмч иртэл эмнэлгийн анхан шатны тусламж үзүүлж амь насыг нь аварсан тул тэдэнд талархал илэрхийлжээ.

Сануулахад, Зорчигч тээвэр-1 ОНӨААТҮГ-ын эзэмшлийн “Юүтонг” загварын автобусны жолооч 38 настай эрэгтэй бүхээгтээ нас барсан харамсалтай тохиолдол энэ сарын 10-ны өдөр гарсан юм.