УИХ-ын гишүүн Г.Тэмүүлэн 2025 оны төсвийн төсөлд тодотгол хийх шаардлагатай тухай байр сууриа илэрхийллээ.
--------------------------
- Нэгдүгээр сарын төсвийн гүйцэтгэлийг харвал 38 орчим хувиар орлогоос дутуу гүйцэтгэлтэй байна. Мөн нүүрсний үнэ өмнөх онтой харьцуулахад 30-40 орчим хувиар унасан, хилийн дундаж үнэ 81 ам.доллартай байна. Тиймээс төсвийн дүн жилийн эцсийн дүнгээр том зургаар харвал нэлээн дутагдалтай байх, төсвийн орлого бүрдэхгүй байх бодит эрсдэл нүүрлэж байна гэж харж байна. Ийм нөхцөл байдалд бид төсөвт тодотгол хийх зайлшгүй шаардлагатай. 2025 онд Засгийн газраас төлөвлөсөн хөрөнгө оруулалтууд дээр тодорхой хэмжээнд таналтууд хийх, зардлаа бууруулах, ингэж байж иргэдийн бодит орлогыг хамгаалах зайлшгүй шаардлага байна. Ер нь бид боломжийн хэмжээгээр төсвийг 1-2 их наядаар бууруулах шаардлагатай. Аль болох шуурхай хэлэлцэнэ, энэ хэмжээгээр эрсдлийг бодитоор бууруулна. Хойшлох тусам эрсдэл нэмэгдэнэ, илүү хүндээр тусна гэсэн үг.
