Сар шинийн баярыг тохиолдуулан Ерөнхийлөгч У.Хүрэлсүх зарлиг гаргаж, төрийн дээд одон, шагнал гардууллаа. Энэ үеэр сагсанбөмбөгийн ОУХМ Б.Билгүүн Монгол Улсын Гавьяат тамирчин цолоор шагнуулсан юм.

Тэрбээр шагнал авсны дараах сэтгэгдлээ илэрхийлэхдээ "Шагнал авахад, надтай хамт Гавьяат болох байсан найз Т.Санчир маань бодогдож байлаа. Найз маань удахгүй Гавьяат болох байх аа. Ойр дотны хүмүүс дундаасаа анхны ГАВЬЯАТ нь боллоо" гэсэн юм.