Шинэ жилийн баярыг тохиолдуулан Сонгинохайрхан дүүргийн Засаг даргын Тамгын газраас 5-р хороо хүүхэд залуучуудын театрын гадна талбай, 12-р хороо Саппоро автобусны буудлын урд талбайд шинэ жилийн сүлд модоо засаж, чимэглэл, гэрэлтүүлгийн ажлыг хийж тохижуулаад байна.

Дээрх хоёр байршилд “Мөнгөн шинэ жил” нэгдсэн арга хэмжээг зохион байгуулж иргэдэд зориулсан соёлын үзвэр үйлчилгээ, тоглолт, хүнс, худалдаа үйлчилгээг зохион байгуулахаар төлөвлөөд байна.

Нээлтийн арга хэмжээ 2024 оны 12 дугаар сарын 25-ны өдрийн 16 цагт Хүүхэд залуучуудын театрын урд талбайд,

18 цагт Саппоро урд талбайд болох тул Сонгинохайрхан дүүргийн иргэд та бүхнийг “Мөнгөн шинэ жил” арга хэмжээнд өргөнөөр оролцохыг урьж байна.