Баянзүрх дүүргийн 2 дугаар хороонд утаа гараад байна гэсэн дуудлага өчигдөр /2024.12.18/ 23:32 цагт Онцгой байдлын байгууллагад иржээ. Чингэлтэй дүүргийн Онцгой байдлын хэлтсийн 10 дугаар ангийн алба хаагчдыг очход, тус байрны 1 давхрын агааржуулалтын хоолой шатаж, их хэмжээний утаа 11, 12 дугаар давхарт хуралдсан байсныг агаарыг сэлгэн ажиллаж унтраасан байна.
Тухайн байрны 12 давхрын оршин суугч иргэн О /27 настай, эрэгтэй/, У /22 настай, эмэгтэй/, Т /1 настай, эмэгтэй/, мөн хаяг тодорхойгүй 16 настай, эрэгтэй нар угаартсан байсныг НЯТТ-ын их эмчид хүлээлгэн өгчээ. Утаажилтын бүсээс 45 /том хүн-37, хүүхэд-8/ гаргасан аж.
