УИХ-ын чуулганаар “Төрөөс мөнгөний бодлогын талаар 2025 онд баримтлах үндсэн чиглэл батлах тухай” Улсын Их Хурлын тогтоолын төслийг хэлэлцэж байна. Энэ үеэр УИХ-ын гишүүн Б.Энхбаяр "Хуулиар хориглосон байтал 2024 оны УИХ-ын сонгуулиар гишүүдэд хамгийн их хандив өгсөн хүмүүс нь дандаа БАНКНЫ ЭЗЭД байна. Сүүлийн 30 жилийн улс төр, бизнест гол оролцсон хүмүүс бол БАНКНЫ ЭЗЭД. Монголын улс төрд хэн байхыг ч тодорхойлдог болсон. Хөгжлийн банк болон НҮҮРСНИЙ сонсголоор банкны эзэд бүх зээлийг авсан нь тодорхой болсон" гэх байр суурийг илэрхийллээ.