Энэ мэдээ хуучирсан буюу 2024/04/19-нд нийтлэгдсэн мэдээ болно.

Таван шарын төмөр зам доогуурх нүхэн гарц барих ажил 70 хувьтай байна

Ангилал
Нийгэм
Огноо
Унших
2 минут 40 секунд

Нийслэлийн Сонгинохайрхан дүүргийн нутаг дэвсгэр, Таван шарын 396 дугаар гармын орчимд төмөр зам доогуур нүхэн гарцын барилгын ажил үргэлжилж байна. Энэ талаар өнөөдөр тус бүтээн байгуулалтыг хариуцсан инженер техникийн ажилтнууд мэдээлэл өгсөн. Тэдний төлөөлөл Улаанбаатар хотын авто замын түгжрэлийг бууруулах нэгдсэн төсөл хэрэгжүүлэх нэгжийн инженер Я.Өнөртүвшингийн хэлснээр түр барилга байгууламжийн ажил өнгөрсөн наймдугаар сард эхэлсэн бол төмөр замтай огтлолцох хэсгийн үндсэн барилгын ажил 70 орчим хувьтай үргэлжилж байгаа аж. Төлөвлөгөөний дагуу энэ оны гуравдугаар улиралд багтаан ашиглалтад оруулахаар төлөвлөж байгааг хэлсэн юм. Тэрбээр "Нийслэлийн замын түгжрэлийг бууруулах бодлогын хүрээнд Таван шарын төмөр зам доогуур авто замыг олон түвшинд, огтлолцуулах ажлын бүтээн байгуулалтыг 2022 оноос эхлүүлсэн. Уг бүтээн байгуулалт нь ажлын зураг боловсруулж, барилга угсралтын ажлыг гүйцэтгэх, түлхүүр гардуулж өгөх гэрээний нөхцөлтэйгөөр хийгдэж байна. Барилга угсралтын ажлын ерөнхий гүйцэтгэгчээр БНХАУ-ын “Чайна Тисижу Сивил Инженеринг Групп” ХХК, туслан гүйцэтгэгчээр дотоодын компаниуд ажиллаж байгаа юм.

Гэрээний хүрээнд дөрвөн байршилд баригдах нүхэн гарцаас хамгийн том нь Таван шарын төмөр зам доогуурх гарц. Тодруулбал нүхэн гарц буюу туннелийн урт 160 метр, зорчих хэсгийн чөлөөт зайн өндөр таван метр. Борооны болон үерийн усыг зайлуулах хоёр төрлийн насос суурилуулна.

Нүхэн гарцыг барихдаа төмөр замын хөдөлгөөнийг зогсоохгүйгээр угсралтын ажлыг хийх технологийг ашиглаж байгаа юм. Өмнө нь төмөр замын хөдөлгөөнийг 8-9 цаг хааж, барилга угсралтын ажлыг хийдэг байлаа. Зураг төслийг найман сар, барилга угсралтын ажлыг 18 сарын хугацаанд хийх нөхцөлтэй. Авто замын хөдөлгөөнийг зургаадугаар сарын дунд үед нээхээр төлөвлөсөн. Төлөвлөсөн зураг төслийн хүрээнд баригдах барилга, байгууламжуудыг 2024 оны гуравдугаар улиралд багтааж, ашиглалтад оруулах хуваарьтай. Хермес, Геологийн төв лаборатори, Нарантуул гэсэн байршилд баригдах нүхэн гарцад борооны ус зайлуулах байгууламж төлөвлөсөн" гэсэн юм.

ОБЕГ: Ой, хээрийн түймэрт  93.378 га талбай шатжээ
ОБЕГ: Ой, хээрийн түймэрт 93.378 га талбай шатжээ
 
МАРГААШ: Улаанбаатарт бороо орохгүй
МАРГААШ: Улаанбаатарт бороо орохгүй
АНХААРУУЛГА: Уншигчдын бичсэн сэтгэгдэлд UBN.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. !
UBN.mn сайтын редакц