УИХ-ын Төсвийн байнгын хорооны хуралдаанаар Гурилыг гаалийн албан татвараас чөлөөлөх тухай хууль хүчингүй болсонд тооцох тухай хуулийн төслийг УИХ-аар хэлэлцэх эсэхийг хэлэлцлээ.

Энэ үеэр Төсвийн байнгын хорооны дарга Ц.Даваасүрэн байр сууриа илэрхийлж "Гурилын зах зээл дээр жижигхэн Монгол өрсөлдөнө гээд солиорвол гурилын үйлдвэрүүд чинь байхгүй болно. Дахиад л ЯСНЫ ГУРИЛАА иднэ.

Бид бодлогогүй явсаар байвал байнга ВАЛЮТЫН НӨӨЦИЙН ДУТАГДАЛД орно. Баян, ядуугүй бүгд машинтай. Машиных нь хүнс хүнийхээ хүнснээс 2 дахин их байна. Валютын нөөцийг хамгийн их сорж байгаа зүйл" гэлээ.