Гэгээн 10 дугаар Богдын аав Ч.Алтаннар АНУ-ын Стэнфордын их сургуульд оновчлол, машин сургалтын сэдвээр судлаачаар ажиллахаар болсноо цахим хуудастаа мэдээлжээ.

Түүний хувьд АНУ-ын Флоридагийн Их Сургуульд математикийн шинжлэх ухааны нэг салбар болох оптимизацын чиглэлээр докторын зэрэг хамгаалсан, АНУ, Их Британи болон Монголдоо боловсрол, шинжлэх ухааны байгууллагуудад ажилладаг.

2012 онд “Ньютон төрлийн аргууд, хэрэглээ”, “Парето оновчлол, тоглоомын онол ба тэнцвэрийн онол”, “Тооцон бодох физикийн шинэ аргууд, хэрэглээ” болон “Квазигүдгэр программчлал, түүний хэрэглээ” хэмээх цогц бүтээлээрээ Төрийн шагнал хүртэж байжээ.