Сүүлийн өдрүүдэд нийтийн тээврээр зорчих үнэд өөрчлөлт орох талаар асуудал олон нийтийн анхаарлыг татаж буй. Үүнтэй холбоотой мэдээллийг Нийслэлийн нийтийн тээврийн газрын дарга Д.Отгонжаргал өгөхдөө "Шинээр батлагдсан Нийслэл Улаанбаатар хотын замын хөдөлгөөний түгжрэлийг бууруулах, гэр хорооллыг орон сууцжуулах хуульд заасны дагуу Нийслэлийн Засаг даргын саналаар НИТХ-аас шийдвэр гаргана. Одоогоор энэ тухай шийдвэр гараагүй тул иргэд 500 төгрөгөөр зорчино. Мөн 30 минутын дотор дамжин суухад хөнгөлөлт эдлэх нөхцөл хэвээр үргэлжилнэ. Энэ сарын 25-нд болох НИТХ-аар нийтийн тээврээр зорчих үнэ болон дамжин суух нөхцөлийн талаар хэлэлцэнэ" гэсэн юм.