Нүүрсний сонсголын эхний шатны сонсгол /2023.12.05/ хоёр дахь өдрөө Төрийн ордонд боллоо. Сонсголын төгсгөлд төрийн болон татвар, гаалийн байгууллагаас Тавантолгой ХК-д хийсэн хяналт шалгалтын талаар мэдээлэл өгсөн юм. Энэ үеэр ХЗДХ-ийн сайд Б.Энхбаяр "Том татвар төлөгчдийг зөвхөн Ерөнхий газар шалгана гээд эрх мэдэл төвлөрүүлчихсэн нь ямар учиртай юм бэ. Тэгээд яагаад шалгадаггүй юм бэ" хэмээн ТЕГ-ын дарга Б.Заяабалаас тодруулахад тэрбээр "Том татвар төлөгчдийг шалгадаг систем миний үед үүсээгүй. Шинэ хуулийн томъёоллоор Том татвар төлөгчийн газар 20 тэрбумаас дээш борлуулалтын орлоготой ААН-үүдийг шалгадаг. Өнөөдрийн байдлаар 900 орчим компани байна" гэв.
