Завхан аймгийн Баянтэс сумын Бужир багийн “Бэрх” гэдэг газар ой, хээрийн гал түймэр гарч, хоёр га орчим талбай өртжээ.

Тодруулбал, энэ тухай дуудлагыг ОБГ-т 2023.07.26-ны өдрийн 16:48 цагт ирүүлсэн бөгөөд тус аймгийн Онцгой байдлын газрын Тэс сум дахь Гал түймэр унтраах, аврах 57 дугаар ангийн алба хаагчид, Баянтэс сумын Засаг даргын Тамгын газрын ажилтинууд, орон нутгийн иргэд ой, хээрийн гал түймрийг унтраах ажлыг зохион байгуулан ажиллаж 2023.07.27-ны өдрийн 09:56 цагт цурамд оруулж, 21:00 цагт бүрэн унтраасан. Түймэрт урьдчилсан байдлаар хоёр га орчим талбай өртсөн байна.