Баяр наадмын өдрүүдэд гарсан осол гэмтлийн талаар ГССҮТ-өөс өнөөдөр мэдээлэл хийв.
ГССҮТ-ийн Хүлээн авах яаралтай тусламжийн тасгийн их эмч О.Лхагва-Очир "Баяр өдрүүдэд гэр бүлийн хүчирхийлэлд өртсөн буюу мод, чулуу зэрэг гаднын биетээр цохиулсан иргэд их ирсэн. Тодруулбал, гэр бүлийн хүчирхийлэлд өртсөн дөрвөн хүүхэд тархины битүү гэмтэл, няцралтай эмчлүүлж байгаа. Гавал тархи болон гар сарвууны тасагт хэвтэж байгаа" гэлээ.
ГССҮТ-ийн Хүлээн авах яаралтай тусламжийн тасагт осол гэмтлийн шалтгаанаар нийт 4,796 хүн тусламж үйлчилгээ авсны 2,946 том хүн, 1,850 хүүхэд байна.
