МАН-ын бүлгийн ээлжит хуралдаан болж, хуралдаанаас гаргасан шийдвэрийг танилцуулав. Бүлгийн дарга Д.Тогтохсүрэн "Нийгмийн даатгалын багц хуулийг хэлэлцсэн. Улмаар энэ хуулийг хэлэлцсэн нь зүйтэй гэж үзсэн" гэлээ.

УИХ-ын гишүүн П.Анужин "Бид тэтгэврийн сангийн орлогыг нэмэгдүүлэх тал дээр ажиллах ёстой. Тэтгэврийн сангийн орлого жил бүр буурсаар байгаа. Улсын төсвийн татаас нэмэгдэж байгаа гэсэн бодит статистик байгаа. Монгол Улсад 223 мянга орчим малчид байна. Малчдын 20 гаруй хувь нь НД-ын шимтгэл төлж, хамрагдалт бага хувьтай байгаа. Тэгэхээр энэ хуулийн төсөлд "Хэрвээ малчин өөрөө НД шимтгэлээ хөдөлмөрийн хөлсний доод хэмжээгээр төлвөл улс 50 хувийг нь төлж өгнө" гэсэн чухал заалт орж байгаа. Энэ нь нэг талдаа НДС-гийн бүрдүүлэлтийг дэмжих, нөгөө талдаа малчид ирээдүйн амьдралынхаа баталгааг хангах чухал суурь заалт болж байгаа юм" гэлээ.