АТГ-аас нүүрсний хулгайн хэрэгт холбогдоод буй 17 албан тушаалтны нэрсийг зарласан. Нэр нь зарлагдаад буй хүмүүсээс экс Ерөнхийлөгч Х.Баттулга өнгөрсөн ням гарагт БНСУ-ыг зорьсон. Үүнд ихэд эгдүүцсэн Эдийн засгийн хөгжлийн сайд Ч.Хүрэлбаатар өнөөдөр нүүрсний хулгайтай холбоотойгоор дахин байр сууриа илэрхийлэв.

Тэрбээр “Нүүрсний хулгайн хэргийг эзэн биегүй болгох, жинхэнэ хулгайч нараас холдуулах, саармагжуулахын тулд өргөн хүрээтэй “гөлөг төөрүүлэх” ажиллагаа явж байна. Үнэнийг худал болгох, худлыг үнэн болгох ажил ч идэвхжиж байна. “Гөлөг төөрүүлэх” ажиллагааг хулгайч нар ихээхэн мөнгөөр зохион байгуулж байна. Их мөнгө зараад, нүүрсний хулгайгаа төөрөгдүүлж чадах уу? Үгүй л байх гэж их найдаж байна” хэмээн жиргэжээ.