Халдварт өвчин судлалын үндэсний төвөөс цаг үеийн асуудлаар мэдээлэл хийлээ. Энэ үеэр ХӨСҮТ-ийн Ерөнхий захирал Ц.Билэгтсайхан "45 дахь долоо хоногт долоо хоногт бүртгэгдэх ковид19-ийн тохиолдлын тоо 1192 бүртгэгдсэн. Өнгөрсөн долоо хоногт 772 тохиолдол бүртгэгдэж байснаас ийнхүү нэмэгдсэн байна. PCR шинжилгээгээр эерэг илрэх хувь нэмэгдсэн. Эрүүл мэндийн ажилтны өвчлөл 3 дахин ихэссэн. Үүнээс харахад, тохиолдлын тоо ихсэж байгааг харж болохоор байна. Сүүлийн хоёр долоо хоногийн шинжилгээгээр BQ1.2 хувилбар нийт сорьцод 30 хувь болтлоо өссөн. BF7 хувилбар 1-ээс 8 хувь болтлоо өссөн" гэв.