УИХ-ын гишүүн асан Ж.Батзандангийн төрсөн ах ХХААХҮ-ийн дэд сайд Ж.Бат-Эрдэнийг АТГ-аас 48 цагийн хугацаатай саатуулсан байдаг. Улмаар уг хугацаа дуусч, түүнийг 30 хоног цагдан хорих саналыг шүүхэд хүргүүлжээ. Шүүх уг асуудлыг өнөөдөр хэлэлцэх байсан ч Ж.Бат-Эрдэнэ шүүгчээсээ татгалзсан байна.
Ингэснээр түүнийг цагдан хорих хуралдааныг хийж чадаагүй бөгөөд маргааш хэлэлцэж магадгүй гэж эх сурвалж мэдээллээ. Хэдийгээр маргааш амралтын өдөр ч гэлээ цагдан хорионы асуудалд шийдвэр гаргаж болзошгүй гэв.
Түүнийг Дарханы замын тендертэй холбоотой асуудлаар өнгөрсөн наймдугаар сараас хойш шалгаж эхэлсэн бөгөөд уг тендертэй холбоотойгоор төслийн 4 ажилтанг саатуулаад байгаа билээ.
