МАН-ын Удирдах зөвлөлөөс танилцуулснаар шинэ Засгийн газрын бүтэц, сайд нарын нэрс тодроод буй. Гэвч Эрүүл мэнд, Барилга, хот байгуулалтын сайд нарын нэрсийг зарлалгүй үлдээсэн юм. Үүнтэй холбогдуулан эл хоёр салбарын сайдад АН-ын гишүүд орох болов уу гэх таамаг гарч байсан. Тэгвэл Эрүүл мэндийн сайд С.Энхболд, БХБ-ын сайд Б.Мөнхбаатар нарыг сайдын суудалд нь хэвээр үлдээхээр болжээ. Ингэснээр Л.Оюун-Эрдэнийн шинэ ЗГ-ын бүрэлдэхүүн бүрдлээ.

Яг одоо УИХ-ын чуулганы нэгдсэн хуралдаанаар Ерөнхий сайд Л.Оюун-Эрдэнийн шинэ Засгийн газрын бүтэц, бүрэлдэхүүнийг батлах асуудлыг хэлэлцэж байна.