Ховд аймгийн Засаг даргыг сонгох асуудал олон нийтийн анхаарлыг татаад буй. Учир нь Засгийн газрын шийдвэрээр Б.Дүгэржавыг Засаг даргын үүрэгт ажлаас нь чөлөөлснөөс хойш МАН-ын бүлэг анхнаасаа Т.Дэлгэрсайханг томилох төлөвлөгөөтэй байсан боловч Ерөнхий сайд МАН-ын Удирдах зөвлөлийн гишүүдээс Ховд аймгийн Засаг даргад Ерөнхий сайдын Ахлах зөвлөх бөгөөд Ажлын албаны дарга Э.Болормааг томилох саналыг оруулсан юм. Иймд Ховд аймгийн ИТХ нь хүндхэн байдалд ороод байгаа билээ.

Энэ асуудлаар Монгол Улсын Ерөнхий сайд асан С.Баяр твиттертээ өөрийн бодлоо жиргэжээ. Тэрбээр "Яг энэ цаг мөчид Ховд Болормаад гэхээсээ Болормаа Ховдод илүү хэрэгтэй байх. Үүнийг ойлгох ухаан Ховд нөхдөд байгаа байх." гэжээ.