УИХ-ын чуулганы нэгдсэн хуралдаан үргэлжилж байна. Хуралдаанаар, Үндсэн хуульд оруулах өөрчлөлтийн нэгдэх хэлэлцүүлгийг үргэлжлүүлэн хэлэлцэж байна.

Хууль санаачлагч, УИХ-ын гишүүн, ХБДХ-ны дарга Н.Энхболд танилцууллаа. Тэрбээр, "ҮХЦ 2022 оны наймдугаар сарын 15-ны их суудлын хуралдаанаар ҮХ оруулсан нэмэлт өөрчлөлтийн зарим заалт ҮХ-ийн холбогдох заалтыг зөрчсөн эсэх тухай маргааныг хэлэлцэн, 2019 оны 11 сарын 14-нд батлагдсан ҮХ-ийн 39.1 дэх хэсэг буюу "Ерөнхий сайд болон Засгийн газрын дөрвөөс илүүгүй гишүүн нь УИХ-ын гишүүний албан тушаалыг хавсарч болно" гэсэн заалт нь ҮХ-ийн суурь үзэл баримтлалд харшилж, нийцээгүй байна гэж үзэн хүчингүй болгож, эцэслэн шийдвэрлэсэн.

ҮХЦ-ийн шийдвэрийн талаар нийгэмд төрөл бүрийн байр суурь илэрч байна. Нөгөөтэйгүүр, ҮХ бусад хуулиар ҮХЦ-ийн эцсийн шийдвэрийн зөв, бурууг шийдэх эрхтэй субъект байхгүй. Энэ нөхцөлд УИХ ҮХ-ийн 66.3 хэсэгт зааснаар, ЦЭЦ-ийн эцсийн шийдвэрийг ҮХ-ийн дагуу хэрэгжүүлэх, цаашид ийм маргаантай нөхцөл байдлыг давтуулахгүй байх зохицуулалтыг хийх нь түүний үндсэн хуулийн өмнө хүлээсэн үүрэг хариуцлага мөн гэж хууль санаачлагчид үзсэн" гэв.