Засгийн газрын ээлжит хуралдаан үргэлжилж байна. Өнөөдрийн Засгийн газрын хуралдаанаар хөгжлийн бэрхшээлтэй хүүхдүүдийн асуудалд авч хэрэгжүүлэх зарим арга хэмжээний талаар авч хэлэлцсэн. Тэгвэл хөгжлийн бэрхшээлтэй хүүхдүүдийн эм эмчилгээ болон тэдэнд үзүүлж байгаа эрүүл мэндийн тусламж үйлчилгээг хэрхэн сайжруулах талаар Эрүүл мэндийн сайд С.Энхболд мэдээлэл өглөө. Тэрбээр "Манай улсад уналт таталтын оноштой хүүхэд болон насан хүрэгчид хөнгөлөлттэй үнээр эмээ авдаг. Манай улсад хэрэглэгдэж байгаа олон улсын программын дагуу хэрэглэх эмийн зардлыг төр даах шийдвэрийг гаргасан. Судалгаануудыг хийж энэ сардаа багтааж тогтоолыг албажуулна. Хөгжлийн бэрхшээлтэй уналт таталттай хүүхдүүдийн эмийг 100 хувь төрөөс даадаг болж байна" гэв.