Урин дулаан цаг ирж, иргэд гол ус бараадаж зугаалах нь ихэсч байна. Ингэхдээ санамсар болгоомжгүйн улмаас усанд унаж, эндэх тохиолдол гарч буйг албаны хүмүүс анхааруулж байна. Тодруулбал, Нийслэлийн Налайх дүүргийн 1 дүгээр хорооны “Задгай” /дүүргээс зүүн хойд зүгт 15 км-т, Баянцагаан уулын урд талд/ 7 хүн (2 нь хүүхэд) зугаалж байснаас 1 хүн “Туул” голын усанд живсэн тухай дуудлагыг 06.05-ны өдрийн 16:45 цагт хүлээн авсан байна.

Тус дүүргийн Онцгой байдлын хэлтсийн алба хаагчид 15 км зам туулан 17:55 цагт очиж Архангай аймгийн Батцэнгэл сумын харьяат иргэн З /32 настай, эрэгтэй/-ын цогцсыг 18:02 цагт 3 метрийн гүнээс гаргаж тус дүүрэг дэх Цагдаагийн 1 дүгээр хэлтсийн жижүүрийн бүрэлдэхүүнд шилжүүлэн өгчээ.