Биеэ үнэлэгчдийн сүлжээ ажиллуулж, шөнийн клубийн үйлчлүүлэгч нарт охидыг зуучлан биеийг нь үнэлүүлдэг байсан, мөн гадаадад мөрийтэй тоглосон хэрэгт буруутгагдаж байсан BIGBANG хамтлагийн Сюнрид БНСУ-ын Дээд шүүхээс 1.2 жилийн хорих ял оноосныг хэвээр үлдээжээ.
Анхан шатны шүүхээс түүнийг Сөүл хотын "Burning Sun" шөнийн цэнгээний газартай холбоотой секс, хар тамхины хэрэгт холбогдсон есөн хэрэгт буруутай гэж үзсэн байдаг. Мөн 2015 оны арванхоёрдугаар сараас 2016 оны нэгдүгээр сар хүртэл өөрийн шөнийн цэнгээний газар болон бусад бизнест хөрөнгө оруулах зорилгоор Тайвань, Япон, Хонконг болон бусад орны хөрөнгө оруулагчдад болон өөртөө биеэ үнэлэгч худалдаж авсан гэм буруутайд тооцжээ.
Түүнчлэн 2013-2017 оны хооронд Лас Вегас хотод мөрийтэй тоглоом тоглохдоо 2,2 тэрбум вон (1,7 сая ам. доллар)-ын мөрийтэй тоглоомын мөнгөтэй холбогдсон хэмээн буруутгасан байна.
