Манай улсад цемент хосдоогүй, нийлүүлэлт бүрэн байгаа ч өнгөрсөн 7 хоногт үнэ 16-28 хувиар нэмсэн нь бодитой эсэхэд ШӨХТГ шалгалт хийнэ.

Цементийн үнийг “Мөнхийн баян гал” компани 16, “Хөтөл” 24, “МАК” 26, “Монцемент” 28 хувиар нэмжээ. Үүнтэй холбогдуулан Монгол Улсын Шадар сайд С.Амарсайхан шуурхай хуралдаж, ШӨХТГ-т үнийн өсөлт бодит эсэхэд дүгнэлт хийх, БХБЯ цементийн үйлдвэрүүдийн удирдлагатай уулзах чиглэл өгөөд байгаа. БХБЯ-ны төлөөлөл маргааш үйлдвэрүүдийн удирдлагуудтай уулзаж, үнэ барих ямар арга байгаа талаар ярилцах юм байна.