Засгийн газрын ээлжит хуралдаан үргэлжилж байна. Хуралдаанаас гаргасан шийдвэрийн талаар холбогдох салбарын сайдууд мэдээлэл өглөө. Энэ үеэр Эрүүл мэндийн сайд С.Энхболд "Арваннэгдүгээр сараас томуу, томуу төст өвчний идэвхжил нэмэгдсэн. Энэ жил олон төрлийн вирус тандалтаар илэрсэн. 2021 оны 38 дугаар долоо хоногт риновирусийн халдвар давамгайлж байсан бол мөн оны 45 дугаар долоо хоногт синцитиал вирус тархаж эхэлсэн. Жилд томуу, томуу төст өвчнөөр 150-160 мянган хүүхэд өвддөг.

Нийслэлийн есөн дүүргийн хэмжээнд амбулаторуудыг уртасгасан цагаар ажиллуулж байгаа. Мөн нэмэлт оруудыг дэлгэж байгаа. Ахмадын тусламж үйлчилгээ үзүүлдэг орыг чөлөөлж, хүүхдийн тусламж үйлчилгээг нэмэгдүүлэх үүргийг өгсөн" гэлээ.