Сар шинийн өдрүүдэд цагдаагийн байгууллагаас хяналт шалгалтыг эрчимжүүлэн ажилласан. Тухайлбал, улсын хэмжээнд гудамж замын хяналт шалгалтаар нийт 6712 зөрчил илрүүлснээс жолоодох эрхгүй үедээ тээврийн хэрэгсэл жолоодсон 78, согтууруулах ундааны зүйл хэрэглэсэн үедээ тээврийн хэрэгсэл жолоодсон 475 зөрчил илрүүлж, эрэн сурвалжлагдаж байсан 52 хүнийг саатуулжээ. Ингэхдээ 6137 хүнд 375.1 сая төгрөгийн торгууль оногдуулж, зөрчилтэй 207 хүний жолоодох эрхийг нэг жилийн хугацаагаар хасах шийтгэл оногдуулж ажилласан.