Сар шинийн баярын өдрүүдэд цагдаагийн байгууллага иргэдийн шинийн нэгний нар харах, уул, овоонд гарч ёслол үйлдэх үед нийт 84 байршилд хэв журам сахиулж, зам тээврийн гэмт хэрэг, осол гарахаас урьдчилан сэргийлж ажиллажээ. Ингэхдээ Нийслэлийн Засаг даргын захирамжаар тогтоосон цагийн хязгаарыг зөрчин хориглосон өдөр буюу 2022 оны хоёрдугаар сарын 01-ний өдөр согтууруулах ундаа худалдан борлуулсан, түүгээр үйлчилсэн талаарх иргэдээс ирүүлсэн гомдлын дагуу 7, тусгай зөвшөөрөлгүй согтууруулах ундаа худалдсан, түүгээр үйлчилсэн 2, насанд хүрээгүй хүнд согтууруулах ундаа худалдсан, түүгээр үйлчилсэн 2, гар дээрээс согтууруулах ундаа худалдсан 32, нийт 43 зөрчил илрүүлж, 3 хуулийн этгээд, 29 хүнд 2.9 сая төгрөгийн торгууль оногдуулж, 11 зөрчилд шалгалтын ажиллагаа явуулж байна.